Insult Of Sharukh Khan By Neil Nitan Mukaish
Shah rukh khan aur Saif Ali Khan donon bollywood ki jani mani hastiyan hain. Donon nay bolywood main buhat naam kamaya hai. Unki taqreeban har film hi hit hoti hai. Har award show aur har mega event main inki shamoliyat ko zaroori samjha jata hai. Yani kay jo bhi programm hit karna ho is main in ko shamil kar liya jata hai. Laikin jitnay mashhoor admi itnay hi rask bhi. Keo kay in kay sath piash anay wala zara sa waqia sari dunya main jangal ki aag ki tarha phail jata hai. Jis tarha is video main ap daikh saktay hain. Yeh video kise programm ki hai jisy Saif aur Shahrukh donon host kar rahy hain. Programm ko sub buhat enjoy kar rahy thay. Is main bollywood kay tamam manjhay hovay fankar aye hovay thay. Woh donon mukhtalif fankaron say sawalat kar rahy thay. Hansi mazaq ka dor dora tha. Ise doran unhon nay Neil Niten Mukaish ko khara kia aur by joke un say poocha kay un kay poory naam main sar name kon sa hai. Neil ko yeh sawal buhat nagwar guzra. Us nay zara bhi mehfil aur hazreen ka khayal nahein kia aur jhat say saf saf kah dia kay us ka bap bhi yahan mojod hai, usay yeh sawal buhat bura laga hai. Us nay mazeed kaha kay usay sar name ka sahara lainay ki zaroorat nahein woh apni mehnat say apna naam kama sakta hai apni pahchan bana sakta hai. Us nay apni bat jari rakhtay hovay akhir main Saif aur shahrukh ki mazeed insult karty hovay kaha kay ap logon kay is sawal kay jawab main main ap say sirf itna kahon ga kay bakwas band karo. Neil kay is lahjay aur bat per sub hazreen e mehfil dhang rah gaye.
